श्री क्षेत्र ओझर येथे दिवाळी निमित्त दीपावली पहाट उत्सव संपन्न

जुन्नर प्रतिनिधी सचिन थोरवे

              दिपावली निमित्त श्री क्षेत्र ओझर येथे श्री विघ्नहर मंदिरात विविध धार्मिक विधी संपन्न ,प्रामुख्याने वसू बारस या दिवशी श्री विघ्नहर उद्यानामध्ये असलेल्या गाईचे पूजन करण्यात आले,लक्ष्मीपूजन दिनी श्री विघ्नहराचे अलंकार तसेच देवस्थान ट्रस्ट चोपडी पूजन करण्यात आले. पाडव्या निमित्त श्री विघ्नहर मंदिरात विशेष अशी महाआरती गणेशभक्त राहुल कवडे,नवनाथ कवडे,शिवाजी रवळे ,किसन जाधव ,लक्ष्मण विधाटे या मान्यवरांच्या शुभाहस्ते करण्यात आली.

            आज दिपावलीचा मुख्य दिवस भाऊबीज या निमित्त श्री विघ्नहर गणपती देवस्थान ट्रस्ट आयोजित दिपावली पहाट स्वरसम्राट राहुल दुधवडे प्रस्तुत सूरसंगम भावगीते व भक्तगीते गायनाचा संगीतमय कार्यक्रम पहाटे ५. ते ७ .३० या वेळेत संपन्न झाला .या कार्यक्रमासाठी श्री राहुल दुधवडे सर,भैरवी डेरे 

               सदर कार्यक्रमाची सागंता मंगलमय वातारणात ठीक ७.३० वा.श्रींच्या दैनंदिन आरतीने संपन्न झाली.गायक वादक यांचा सत्कार श्री विघ्नहर गणपती देवस्थान ट्रस्ट चे अध्यक्ष बाळकृष्ण कवडे ,उपाध्यक्ष तुषार कवडे,सचिव सुनील घेगडे,खजिनदार दत्तात्रय कवडे, विश्वस्त संतोष कवडे,शिल्पाताई जगदाळे यांच्या वतीने सत्कार करण्यात आला.

               आलेल्या भाविकांचे स्वागत देवस्थान ट्रस्ट चे अध्यक्ष ,उपाध्यक्ष,सचिव,खजिनदार,विश्वस्त, प्रकाश मांडे , सुर्यकांत रवळे, गोविंद कवडे ,विक्रम कवडे, समीर मांडे , विनायक मांडे , विलास कवडे , विनायक जाधव, मंगेश पोखरकर यांनी केले.