तुळापूर मध्ये बैलांचा गोठा पेटला दोन बैल एक घोडीला अग्नि समाधी शेतकऱ्याचे मोठे नुकसान
पुणे जिल्ह्यातील तुळापूर तालुका हवेली येथील शेतकरी व बैलगाडा शौकीन मालक पोपट राजाराम शिवले यांच्या जनावराच्या गोठ्याला आज पहाटे अचानक आग लागल्याने गोठ्यात बांधलेले बैलगाडा शर्यतीमधील दोन बैल व एक घोडी संपूर्णपणे आगीच्या भक्षस्थानी येऊन ठार झाल्याची दुःखद घटना घडली आहे,
बैलांसाठी बांधण्यात आलेल्या गोठ्याला जनावरांसाठी गारवा रहावा म्हणून शिवले यांनी वरच्या बजूला बाजरीच्या पेंढ्यांच्या छपर्या व चहू बाजूने बाजरीच्या पेंढ्यांचे कुड बांधण्यात आले होते, विद्युत शॉर्टसर्किटमुळे आज सकाळी पहाटे चार वाजता आग लागली, बाजरीचे कुड व छपर्या मुळे आगीचे गंभीर स्वरूप निर्माण झाले, एक बैल कासरा तोडून बाहेर पडला , परंतु दोन खिल्लार गाडा शर्यतीचे बैल व एक घोडी आगीमध्ये होरपळून मृत्यू पावली आहे,
घटनास्थळी पुणे जिल्हा बैलगाडा संघटनेचे अध्यक्ष तथा पुणे जिल्हा परिषद सदस्य पैलवान किरण साकोरे यांनी भेट घेऊन शिवले यांचे सांत्वन केले,
भरारी न्युज वृत्तसेवा,
