मुकेश कुमार मुखीया (वय २२, कॉलनी, लुल्लानगर, वानवडी) असे गुन्हा दाखल केलेल्याचे नाव आहे. याबाबत घटनेच्या वेळी अल्पवयीन व सध्या अठरा वर्षाच्या असलेल्या तरुणीने वानवडी पोलिस ठाण्यात फिर्याद दिली आहे.सहा महिन्यांपूर्वी पीडिता अल्पवयीन असताना ती मित्रांसोबत फुटबॉल खेळत असताना बॉल मैदानाशेजारील झुडपात गेला. त्या वेळी पीडिता बॉल शेाधण्यासाठी झुडपात गेली. त्या वेळी तेथे आलेला मुकेश तिच्या पाठोपाठ झुडपात गेला. तेथेच त्याने तिच्यावर बलात्कार केला होता. दरम्यान, पीडिता ही गर्भवती असल्याचा प्रकार तिच्या घरच्यांच्या लक्षात आल्यानंतर चौकशीमध्ये तिने मुकेश याने अत्याचार केल्याचे सांगितले. त्याने केलेल्या अत्याचारामुळे सध्या पीडिता ही २८ आठवड्याची गर्भवती असून, आरोपीवर बलात्कार तसेच बाललैंगिक अत्याचाराच्या विविध कलमान्वये गुन्हा दाखल केला आहे.
