गुनाट प्रतिनिधी एकनाथ थोरात
शिरूर तालुक्यातील ग्रामीण भागातील जि.प. प्राथमीक शाळा बाभूळसर बुद्रुक या शाळेतील इयत्ता पाचवीत शिकणारी विद्यार्थिनी कुमारी वेदांती वैभव वाळुंज हीने राज्यस्तरीय स्पर्धा परीक्षा २०२२-२३ मध्ये घेण्यात आलेल्या *राष्ट्रीय गुणवंत शोध परीक्षेत (NSSE)* या परीक्षेत २०० पैकी २०० गुण मिळवून राज्य गुणवत्ता यादीत प्रथम क्रमांक प्राप्त केला.
वेदांतीला तिच्या वर्गशिक्षिका श्रीमती प्रतिभा म्हस्के ( वाळुंज ) मॅडम यांचे अनमोल मार्गदर्शन मिळाले. शाळेचे मुख्याध्यापक सुभाष धनी सर, सर्व शिक्षकवृंद,तांदळी केंद्राचे केंद्रप्रमुख सुनिल घुमरे, बाभुळसर गावचे सरपंच गणेश मचाले,उपसरपंच सुनिल देशवंत,शाळा व्यवस्थापन समितीचे अध्यक्ष संतोष नागवडे , उपाध्यक्ष महेंद्र नागवडे, संजय मचाले व सर्व सदस्य यांनी वेदांतीचे अभिनंदन करुन शुभेच्छा दिल्या. तसेच वेदांतीचे मूळ गाव शिंदोडी येथील सरपंच, उपसरपंच व सर्व शिंदोडी ग्रामस्थांनी वेदांतीचे अभिनंदन करून कौतुकाचा वर्षाव केला.
