शिक्रापूरातील रस्त्याची दुरावस्था

    शिक्रापूर येथील या रस्त्याची दुरावस्था झाल्याने व खड्ड्यांचे साम्राज्य निर्माण झाल्याने रस्त्यावर डबकी साचली आहेत. संबंधित रस्ता मोठी रहदारी, लोकांचा सतत वावर अशा ठिकाणी असल्याने, तसेच रस्ता खड्ड्यात आहे की खड्डा रस्त्यात आहे, हे समजत नाही, लोकांना व ग्रामस्थांना ये जा करण्यासाठी खूप कसरत करावी लागते,

तसेच रस्त्याच्या दुर्दशामुळे  लहान मोठ्या अपघातांना निमंत्रण मिळत आहे, पावसाळ्यात तर लोकांना खूपच त्रास सहन करावा लागत आहे, खड्डा चुकवताना शाळेत येणाऱ्या – जाणाऱ्या  विद्यार्थ्यांना व दुचाकीस्वारांना या रस्त्यावरून कसरत करावी लागत आहे. तातडीने या रस्त्याची दुरुस्ती करण्याची मागणी परिसरातील नागरिकांनी केली आहे.