लोणी काळभोर प्रतिनिधी
दिल्लीहून विमानाने पुण्यात येऊन घरफोडीकरणाऱ्या दोन चोरट्यांना कोंढवा पोलिसांनी अटक केली. चोरट्यांकडून एक लाख ६० हजार रुपयांचे सोन्याचे दागिने जप्त करण्यात आले आहेत. रिझवान अजमत अली (वय ३२, रा. लिबासपुर, दिल्ली), इकरार नसीर अहमद (वय २७, रा. उत्तर प्रदेश) अशी अटक करण्यात आलेल्या चोरट्यांची नावे आहेत,
या बाबत एका व्यावसायिकाने फिर्याद दिली होती.व्यावसायिक कोंढव्यातील क्रांती चौक परिसरात राहायला आहे. १३ जुलै रोजी व्यावसायिकाच्या घरातून आरोपींनी सोन्याचे दागिने, रोकड चोरून नेल होती. याप्रकरणी कोंढवा पोलीस ठाण्यात गुन्हा दाखल झाला होता. पोलिसांकडून या प्रकरणाचा तपास करण्यात येत होता. गोकुळनगर भागात रिझवान आमि इकरार संशयीतरित्या फिरत असल्याची माहिती तपास पथकाला मिळाली. रखवालदार नसलेल्या सोसायट्यांमध्ये जाऊन ते पाहणी करत होते. पाहणी करत असल्याचे समजले.पोलिसांच्या पथकाने सापळा लावून दोघांना पकडले.
चौकशीत दोघांनी घरफोडीचा गुन्हा केल्याची कबुली दिली. आरोपींनी चोरलेला ऐवज दिल्लीतील घरात लपवून ठेवला होता. पोलिसांनी त्यांच्याकडून एक लाख ६० हजार रुपयांचा ऐवज जप्त केला. रिझवान सराइत गुन्हेगार आहे.
परिमंडळ पाचचे पोलीस उपायुक्त विक्रांत देशमुख यांच्या मार्गदर्शनाखाली कोंढवा पोलीस ठाण्याचे वरिष्ठ पोलीस निरीक्षक संतोष सोनवणे, गुन्हे शाखेचे निरीक्षक संजय मोगले, संदीप भोसले, उपनिरीक्षक स्वप्निल पाटील, हवालदार सतीश चव्हाण, निलेश देसाई, गोरखनाथ चिनके, ज्योतीबा पवार, ज्ञानेश्वर भोसले, अनिल बनकर आदींनी ही कामगिरी केली.
