पुणे प्रतिनिधी
केंद्रीय संस्थापक अध्यक्ष मधुसूदनजी कुलथे यांच्या नेतृत्वाखाली झालेल्या सभेमध्ये हा निर्णय घेण्यात आला,यावेळी पुणे जिल्ह्यातील कानाकोपऱ्यामधून पत्रकार उपस्थित होते,या प्रसंगी अनेक प्रमुख पदाधिकाऱ्यांचे मार्गदर्शन झाले,
कुलथे यांनी मार्गदर्शन करताना सांगितले की, नवनिर्वाचित पुणे जिल्ह्याचे अध्यक्ष सुनील भंडारे पाटील हे एक अत्यंत अनुभवी, हुशार, मनमिळाऊ नेतृत्व संघटनेला लाभले असून त्यांच्याकडून पत्रकारांसाठी चांगली कामे होणार आहेत, पुणे जिल्ह्यामध्ये संघटनेचे काम चांगले चालले आहे, पत्रकारांसाठी पत्रकार भवन,शासन दरबारी पत्रकारांची नोंद,तसेच पत्रकारांची एक पतसंस्था स्थापन करणार असल्याचे त्यांनी सांगितले, संघटनेत काम करत असताना प्रत्येकाने प्रोटोकॉल पाळावा, तसेच पद हे फक्त नामधारी नसून एक जबाबदारी आहे, प्रत्येकाने संघटना वाढीसाठी प्रयत्न करायचे आहे असेही त्यांनी पुढे सांगितले,
पुणे जिल्हाध्यक्ष सुनील भंडारे पाटील यांनी सांगितले की, पुणे जिल्ह्यातील पत्रकारांच्या अडचणी पाहता, कुलथे साहेबांच्या मार्गदर्शनाखाली पत्रकार विजय लोखंडे यांच्या सहकार्यातून चार वर्षांपूर्वी राज्य मराठी पत्रकार परिषदेचे एक छोटेशे रोपटे लावले होते, त्याचा आता वटवृक्ष झाला असून पत्रकारांच्या अडीअडचणी सोडवण्यामध्ये तसेच मदत करण्यासाठी माझी पूर्वीपासून तळमळ आहे, जिल्ह्यामध्ये कोणाला काही अडचण आल्यास तातडीने माझ्याशी संपर्क साधावा, यापूर्वी दहा ते बारा वर्षे प्रिंट मीडियाला काम केले असून अडीअडचणी आल्यामुळे मी स्वतःचे भरारी न्युज हे माध्यम काढले आहे, पत्रकारिता ज्वलंत ठेवण्यासाठी तुम्ही या माध्यमात काम करू शकता,
